Inuusuttut ilinniarfiini ilinniarsimasut

2016-imi 16-it 18-illu akornanni ukiullit 40 procentii ilinniarnermik aallussinngikkunik ilinniarlutik naammassisimapput, ukiut tallimat kingulliit kisitsit taanna nikissimanngilaq, kisianni inuusuttut ilinniarfiini naammassisimasut amerlatsissimapput 2010-mi 16 procentioriarluni 2016-imi 21 procentiusimagami.

 

Titartagaq 4. Inuusuttut 16-it 25-llu akornanni ukiullit ilinniarnermik allussisut aamma naammassisimasut amerlassusaat procentinngorlugu, 2010-2016

Nassuiaat: Ilinniarlutik aallussisut tassaapput siornatigut inuusuttunut ilinniagaqarsimanngitsut

Najoqqutaq: Naatsorsueqqissaartarfik – Kisitsisaataasivimmi kisitsisit takukkit (http://bank.stat.gl/UDNUMG3).

 

Inuusuttut sullinniakkat 12-inik ukioqarallaramik najugaqarfiat

Upernavik, Qaanaaq, Tasiilaq aamma Ittoqqortoormiini inuusuttut akornanni 40 procentit sinnerlugit inuusuttuupput sullinniakkat, sumiiffinni tamani agguaqatigiissillugu inuusuttut sullinniakkat 33 procentiupput. Nuna tamakkerlugu agguaqatigiissitsinermi distriktini (kommuniusimasuni illoqarfik nunaqarfii ilanngullugit) pineqartuni 2010-mili qaffasinnerusimapput.

 

Nanortalimmiittut ikilisimapput, 2010-mi inuusuttut akornanni sullinniakkat 43 procentiusimapput 2016-imi 33 procentiullutik. 2016-imi Nanortalimmi akornanni sullinniakkat nuna tamakkerlugu agguaqatigiissitsineq naleqqatigaa.